ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
«Քեզ համար Ազնավուր». հիշատակի համերգ նվիրված աշխարհահռչակ շանսոնիեին
2018-10-08 15:30:06

«Իրականում այս համերգը նախապես պլանավորած էր, և մենք հույս ունեինք, որ Շառլ Ազնավուրը անձամբ մասնակցելու է համերգին: Հայտնի իրադարձություններից հետո մենք որոշեցինք  հավուր  պատշաճի հարգանքի տուրք մատուցել նրա հիշատակին: Նախատեսված  մեկի փոխարեն, երկու օր տեղի կունենա այս համերգը»,-ասում է մշակույթի նախարար Լիլիթ Մակունցը:

Երգիչ, դերասան Հայկ Պետրոսյանի պարզաբանմամբ՝ Շանսոնիեին նվիրված համերգ կազմակերպելու գաղափարը ծնվել էր դեռ 2017-ի ամռանը, երբ Երևանում առաջին անգամ կազմակերպվեց «Քեզ համար Ազնավուր» խորագրով համերգը: Հունիսի 1-ին Երևանի օպերային թատրոնում կայացած համերգին ներկա էր  ինքը՝ Շառլ Ազնավուրը:

«Այն ժամանակ մենք որոշեցինք, որ այս համերգները պետք է շարունակական բնույթ կրեն և ամեն տարի մեր հարգանքի տուրքը պիտի մատուցենք Մեծ Վարպետին: Այս տարի կրկին դիմեցինք մշակույթի նախարարություն, որտեղ  սիրով համաձայնեցին  աջակցել նախաձեռնությանը, որը, ցավոք, վերածվեց  Ազնավուրին նվիրված հիշատակի համերգի»:

«Քեզ համար Ազնավուր» համերգային ծրագրում Ազնավուրի ամենասիրված երգերն են, այդ թվում՝ հայերեն թարգմանված: Կներկայացվի Շանսոնիեի կյանքը, գործը, կենսագրության կարևորագույն դրվագները:

Հայկ Պետրոսյանի բնորոշմամբ,  համերգին կմասնակցի մեկն, ով հինգ տարի Երևանում    բեմ չի բարձրացել: Իր վերադարձը երևանյան  բեմ նա պատրաստվում էր իրականացնել հաջորդ տարի՝ ներկայացումներով:   Սակայն հատուկ հյուրի կարգավիճակով նա կմասնակցի Շառլ Ազնավուրի հիշատակին նվիրված համերգին: Խոսքը Վարդան Պետրոսյանի մասին է:

0:00
0:00