ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Դեմքեր
Տիգրան Քոչարյան, Պետրոս Ղազարյան,
«Քաղաքական շաբաթօրյակ» հաղորդման հաղորդավարներ

Լրագրող, քաղաքական վերլուծաբան, հասարակական գործիչ Տիգրան Հակոբյանը ծնվել է 1960 թվականին, Երեւանում։ Սովորել է ԵՊՀ ռուսաց լեզվի եւ գրականության ֆակուլտետում, ծառայել է ԽՍՀՄ Զինված ուժերում, 1988-ին ավարտել է Մոսկվայի Մ.Գորկու անվան Գրականության ինստիտուտը։ Պրոֆեսիոնալ լրագրությամբ սկսել է զբաղվել 1988-ից՝ աշխատելով «Коммунист» օրաթերթում։ Հետագայում ղեկավարել է «Республика Армения» պաշտոնաթերթը, ՀՀ հեռուստառադիոհաղորդումների պետական վարչությունը, «Արմենպրես» պետական լրատվական գործակալությունը, «Հայք» շաբաթաթերթը, ՀՀ Կառավարության աշխատակազմի տեղեկատվության եւ հանրության հետ կապերի եւ Կառավարության առընթեր տեղեկատվության եւ գրահրատարակչության վարչությունները։ 1998-2002 թվականներին եղել է «Հայոց համազգային շարժում» կուսակցության եւ վարչության անդամ։ 2000 թվականից  «Հասարակությունն ընդդեմ ահաբեկչության» հասարակական կազմակերպության վարչության նախագահն է։ Դասավանդել է մի շարք ԲՈՒՀ-երում։ 2016 թվականի սեպտեմբերից Հեռուստատեսության եւ ռադիոյի հանձնաժողովի անդամ է։



Լրագրող, հաղորդավար, քաղաքական մեկնաբան Պետրոս Ղազարյանը ծնվել է 1974 թվականի նոյեմբերի 27-ին, Երևանում: 1992-97 թվականներին սովորել է Երևանի պետական համալսարանի արևելագիտության ֆակուլտետի թուրքագիտության բաժնում, 2003-ին՝ Մոսկվայի Վ.Պոզների ժուռնալիստիկայի դպրոցում, 2004-ին՝ Լոնդոնի «BBC» հեռուստաընկերության բարձրագույն դասընթացներում, 2007-08թթ՝ Եվրոպական քաղաքագիտության բարձրագույն դպրոցում: Թղթակցել է «Հայկական ժամանակ», «Առավոտ» և «Իրավունք» թերթերին: 2004-06 թվականներին եղել է «Կենտրոն» հեռուստաընկերության տնօրենը: 2008-12թթ ղեկավարել է հեռուստաընկերության լրատվական բաժինը: 2006-07թթ եղել է «Ֆորբս-Հայաստան» ամսագրի գլխավոր խմբագիրը: 2003թ. արժանացել է Երևանի Մամուլի ակումբի ամենամյա, 2004թ.՝ «Հայկյան», 2008թ.՝ Հայաստանի ժուռնալիստների միության ամենամյա մրցանակներին: 1999 թվականից «Ալիք» հասարակական կազմակերպության ղեկավարն է: 2003 թվականից «Կենտրոն» հեռուստաընկերությամբ հեղինակում և վարում է «Ուրվագիծ» հաղորդումը: