ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր , Յունուար 9-ի եթերը
2019-01-09 14:20:20

-Արցախի մէջ տօնական օրերուն լոյս աշխարհ եկած է 39 փոքրիկ:

-Սուրիոյ հայ համայնքը 2019-ին լայն թափով պիտի իրականացնէ ազգային կառոյցներու վերականգնումը:

_Թուրքիոյ մէջ առաջին անգամ հայկական հեռուստաալիք պիտի հեռարձակուի:

0:00
0:00

Թուրքիոյ Մէջ Առաջին Անգամ Ըլլալով Հայկական Հեռուստաալիք Պիտի Հեռարձակուի:

 

Հանրապետական Թուրքիոյ պատմութեան մէջ առաջին անգամ ըլլալով պիտի հեռարձակուի հայկական հեռուստաալիք, որ «Լոյս» թերթի համանուն կայանն է: Այս մասին, կը հաղորդէ Demokrathaber-ը։

«Լոյս TV»-ն առաջին ուղիղ եթերը հեռարձակած է Յունուար 6-ին, Պոլսոյ Սբ. Վարդանանց եւ Գում Գափու թաղամասի Սբ. Մարիամ եկեղեցիներէն, երբ Հայ առաքելական Սբ. Եկեղեցին կը տօնէր Քրիստոսի ծնունդը:

Հեռուստալիքը պաշտօնապէս պիտի սկսի հեռարձակուիլ մէկ ամսուան ընթացքին:

«Լոյս TV»-ի եւ «Լոյս» լրատուական խորհուրդի անդամ Յարութիւն Քուրալ ըսած է, թէ ծննդեան տօնին հետ միասին ծնած է նաեւ «Լոյս TV»-ն:

Յարութիւն Քուրալի խօսքով` այսուհետեւ հայերէն եւ թրքերէն բարձր որակի (HD) հեռարձակումներ պիտի ապահովուի:

«Ասիկա հօրս` 35 տարուան լրագրող Արամ Քուրալի նախագիծն էր: Անոր կարծիքով` հայկական հեռուստաալիքը անհրաժեշտ է հայ համայնքին համար եւ մենք այս երազանքը իրագործեցինք»,- նշած է Յարութիւն Քուրալ:

«Ընդհանուր լուրերէն բացի նաեւ պիտի ըլլան հայ համայնքը հետաքրքրող լուրեր, ինչպէս նաեւ արուեստի, մշակոյթի, մարմնամարզութեան, առողջապահութեան, տնտեսութեան ու քաղաքականութեան վերաբերող հաղորդումներ: Կը նախատեսուին ուղիղ միացումով բանավէճային ծրագիրներ, ինչպէս հայ համայնքի համար կարեւոր եւ տօնական օրերուն յատուկ եթերներ»,- տեղեկացուցած է Քուրալ: