Top.Mail.Ru
ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Յունուար 14-ի եթերը
2019-01-14 14:28:40

Այսօրուան լուրերուն մէջ կը լսէք.

-Այսօր սկսաւ եօթերորդ գումարման Ազգային Ժողովի առաջին նիստը. Փաշինեան նշանակուեցաւ վարչապետ:

-Մնացականեան-Մամետեարով հանդիպումը Յունուար 16-ին:

-Թրամփ սպառնացած է Թուրքիոյ տնտեսական պատժամիջոցներով:

0:00
0:00

Հայաստանի Հանրապետութեան նախագահ՝ Արմէն Սարգսեանը հրամանագիր ստորագրած է Նիկոլ Փաշինեանը՝ Հայաստանի Հանրապետութեան վարչապետի պաշտօնին նշանակելու առիթով: Կը յայտնեն ՀՀ նախագահի աշխատակազմի հասարակայնութեան հետ կապերու վարչութենէն:

«Հիմք ընդունելով Սահմանադրության 149-րդ յօդուածի 1-ին մասը, Նիկոլ Փաշինեանը նշանակել վարչապետ»,- ըսուած է ՀՀ նախագահի հրամանագիրին մէջ:

Մինչ այսօր պետական հիմնի՝ հանրապետութեան նախագահի և Ամենայն Հայոց Կաթողիկոս Գարեգին Բ-ի ողջոյնի խօսքերով սկսած է եօթերորդ գումարման Ազգային ժողովի առաջին նստաշրջանը:

Նորընտիր խորհրդարանի առաջին նիստը նախագահած է տարիքով ամենամեծ պատգամաւորը՝ «Իմ Քայլը» դաշինքը ներկայացնող Կնեազ Հասանովը:

Ժողովուրդը մեծ սպասումներ ունի նոր իշխանութիւններէն՝ ողջոյնի խօսքին մէջ ըսած է Կաթողիսկոսը և աւելցուցած որ՝ երկրի առջև ծառացած մատրահրաւէրները ներքին միաբանութիւն ու խոհեմութիւն կը պահանջեն:

Խորհրդարան անցած ուժերուն ու բոլոր պատգամաւորներուն շնորհաւորած և արդիւնաւէտ աշխատանք մաղթած է հանրապետութեան նախագահ՝ Արմէն Սարգսեանը:

Առաջին նիստի օրակարգին եօթ հարց կայ: Խորհրդարանը պիտի ձևաւորէ հաշուիչ յանձնաժողով, ապա պիտի ընտրէ Ազգային Ժողովի նախագահ և փոխնախագահներ: Պատգամաւորներն այսօր պիտի որոշեն նաև, թէ քանի մշտական յանձնաժողով պիտի գործէ նոր խորհրդարանին մէջ, պիտի ընտրեն ատոնց նախագահները:

«Իմ քայլը» դաշինքը ԱԺ նախագահի պաշտօնին պիտի առաջարկէ Արարատ Միրզոյեանի թեկնածութիւնը, իսկ փոխնախագահներու պաշտօնին՝ Ալէն Սիմօնեանի և Լենա Նազարեանի թեկնածութիւնները: ԱԺ փոխնախագահի պաշտօնի համար ընդդիմադիր քաղաքական ուժերէն «Բարգաւաճ Հայաստան» կուսակցութեան թեկնածուն էՎահէ Էնֆիաջեանը, իսկ «Լուսաւոր Հայաստան» կուսակցութեան թեկնածուն` Մանէ Թանդիլեանը:

+++