192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
language az
language hy ru en az ge tur
Avropa Məhkəməsi jurnalistlərlə hüquqşünasların şikayəti ilə bağlı qərarını açıqladı
2018-12-13 16:36:36

Dekabrın 13-də Avropa İnsan Haqları Məhkəməsi 11 nəfərin ölkədən çıxışına qoyulmuş qadağaya dair Azərbaycana qarşı qərarını elan edib. Bu barədə "Meydan.tv" məlumat yayıb.

Onlar əsasən iddia edirdilər ki, cinayət işləri tərkibində şahid statusunda olsalar da, ölkədən çıxış hüquqları məhdudlaşdırılıb.

Qərara görə, şəxslərin Konvensiyaya 4 saylı protokolun 2-ci (sərbəst hərəkət etmək) və 13-cü (səmərəli müdafiə vasitələri) maddələrinin pozuntusu (Aynurə İmranova istisna olmaqla) tanınıb.

Ərizəçilər jurnalist Aytən Ələkbərova (Fərhadova), İzolda Ağayeva, Gülər Mehdizadə, Aynurə Heydərova, Aynurə İmranova, hüquqşünaslar Ənnağı Hacıbəyli, Rövşanə Rəhimova, ReAL Partiyasının Məclis başqanı Azər Qasımlı, hazırda fəaliyyəti dayandırılmış Beynəlxalq Universitetin rektoru Elşad Abdullayevin bacısı oğlu Azad Mursəliyev, Beynəlxalq Bankın sabiq sədri Cahangir Hacıyevin bacısı Əminə Hacıyeva və Dilarə Vəliyevadır.

Hər bir ərizəçiyə mənəvi zərərə görə 5000 avro, məhkəmə xərclərinə görə 1000 avro (Rövşanə Rəhimli və Əminə Hacıyeva istisna olmaqla) müəyyən edilib. Ümumi ödəniləcək kompensasiya 64 min avrodur.

Ərizəçilərin konvensiyanın 34-cü maddəsi ilə hüquqlarının pozuntusu tanınmayıb.

Ərizəçilərdən bir neçəsinin vəkili olan Fariz Namazlı deyir ki, bu maddə üzrə ona görə pozuntu faktının tanınmasını qoymuşdular ki, hökumət Avropa Məhkəməsinin məktubunu dövlət poçtu vasitəsi ilə onlara gec göndərib:

“Bu hissədə məhkəmə hesab etdi ki, hökumət öhdəliklərini pozmayıb”.

Meydan TV-nin fəaliyyəti ilə bağlı aparılan cinayət təqibi çərçivəsində müstəqil jurnalistlər Gülər Mehdizadə, Aynur Elgünəş, Sevinc Vaqifqızı, Aytac Əhmədova, Natiq Cavadlı, Aynurə Heydərova, Aytən Ələkbərova (Fərhadova), İzolda Ağayevanın ölkədən çıxışına qadağa qoyulmuşdu.

Dövlət qurumları ilk vaxtlar jurnalistlərin ölkədən çıxışına qadağa qoyulmasını etiraf etmirdilər. Göndərilən sorğular cavablandırılmırdı.
Sonradan qoyulan qadağalar dövlət tərəfindən inkar edilmədi. Jurnalistlərdən birinin sorğusuna Ağır Cinayətlərə dair İşlər üzrə İstintaq İdarəsinin rəisi Eldar Əhmədovun cavabında deyilir ki, ibtidai istintaqı aparılan 152006048 №-li cinayət işi üzrə yaranmış istintaq zərurəti ilə əlaqədar sizə “Qadağandır” statusu ilə “Giriş-Çıxış”, “Sərhədkeçməyə məhdudiyyət” altsisteminə fəallaşdırılaraq daxil edilib.

Azərbaycanda Meydan TV İnternet-resursuna qarşı cinayət işi başlanıb. İş üzrə 15-dən artıq jurnalistin adı keçir.