192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
language az
language hy ru en az ge tur
Ailəsi həbsdəki müsavatçıdan narahatdır
2018-12-27 17:20:00

Ailəsi Müsavat Partiyası Gənclər Komitəsinin həbsdəki sədri Əbülfəz Sadıqbəylinin təcridxanada hüquqlarının pozulduğunu düşünür.

Bu haqda AzadlıqRadiosuna onun qardaşı Vasif Sadıqbəyli danışıb. Onun sözlərinə görə, 1 Saylı Bakı İstintaq Təcridxanasında saxlanılan Əbülfəz Sadıqbəyliyə qeyri-qanuni qadağalar tətbiq edilib.

«İstintaq müddəti başa çatıb, ancaq görüşə imkan verilmir. Rəsmi məktub gəlib ki, istintaq müddəti başa çatıb. Ancaq hələ də qadağa aradan qaldırılmayıb», - deyən V.Sadıqbəylinin sözlərinə görə, qardaşına üstəlik, kitab qadağası da qoyublar.

«Əbülfəzlə görüşməyimizə icazə vermirlər. İki həftədən çoxdur ki, kitab qadağası da tətbiq ediblər. Kitablar göndərmişdik, bütün kitab mağazalarında satılan kitablardır. Kitab bağlamasını da təcridxanadan geri göndəriblər», - V.Sadıqbəyli bildirib.

O, qadağalarla bağlı məhkəməyə şikayət verəcəklərini də qeyd edib.

Hələlik, Penitensiar Xidmət və başqa rəsmi qurumlardan bu deyilənlərə münasibət öyrənmək mümkün olmayıb.