192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
language az
language hy ru en az ge tur
'Biznes siyasətdən və idarəçilikdən ayrılmalı'
2019-03-26 15:20:14

AzPolitika.info saytında «Xalqın adından gizli sövdələşmələrə getmək fəlakət olar –İlyas İsmayılovdan hakimiyyətə xəbərdarlıq» sərlövhəli yazı yer alır.

Müəllif ölkədəki ictimai-siyasi durumla bağlı ölkənin keçmiş baş prokuroru, Ədalət Partiyasının sədri İlyas İsmayılovla söhbət edib.

İ.İsmayılov hesab edir ki, bu günlər siyasi məhbus kimi tanınan şəxslərin bəzilərinin azad olunması cəmiyyətdə ədalətin bərpası, siyasi dialoq mühitinin formalaşması və barışın yaranmasından ötrü çox yaxşı bir təməl, bünövrə ola bilər.

Partiya sədrinə görə, hakimiyyət islahat aparmaq istəyində səmimi olduğunu göstərməkdən ötrü korrupsiyaya ilə ciddi mübarizəyə başlamalı, məmurların gəlirləri və xərcləri barədə deklarasiya vermələri təmin olunmalıdır. Habelə, o hesab edir ki, biznes siyasətdən və idarəçilikdən ayrılmalı, inhisarçılığa son qoyulmalı, məhkəmələrin həqiqi müstəqilliyi təmin edilməlidir.

İ.İsmayilovun fikrincə, nəhayət, hakimiyyət ölkədə demokratik seçki keçirmək ənənəsinin əsasını qoymalıdır. «Axı seçkilər təkcə hakimiyyətin dinc ötürülməsi mexanizmi deyil, həm də xalqın hakimiyyətin təşkilində iştirakı deməkdir və bu özünütəşkillə xalqı yetişdirən, formalaşdıran bir vasitədir. Biz haçanacan xalqı bu imkandan məhrum edəcəyik?», - partiya sədri sual edir.