ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Ապրիլ 8-ի եթերը
2019-04-08 14:22:53

Այսօրուան լուրերուն մէջ կը լսէք.

- Նոր աշխարհին մէջ՝ անհատներու ձայները լսելի եւ որոշիչ պիտի ըլլան. Արմէն Սարգսեան

- Մոսկուայի մէջ այսօր Ռուսաստանի և Թուրքիոյ նախագահներուն հանդիպումը:

- Բակօ Սահակեանն ու Գարեգին Բ Կաթողիկոսը ընդգծած են Հայ առաքելական եկեղեցւոյ կարևոր դերի մասին:

0:00
0:00

 Վենետիկի հայագիտութեան ամպիոնի հիմնադիր Հայր Լեւոն Զէքիեան, 2019-ի Յուլիսին եւ Օգոստոսին պիտի կազմակերպէ հայերէնի եւ հայ մշակոյթի իր ծաւալուն եւ բազմակերպ ծրագիրը։

Դասընթացքը խտացած ձեւով տեղի պիտի ունենայ Օգոստոս 1-էն մինչեւ 17, եւ կը բաղկանայ 65 դասաժամերէ, որոնք կը նախատեսեն, մանաւանդ բարձր մակարդակներու համար, արեւմտահայերէնի լեզուաբանական տեսական եւ գործնական գիտելիքներ, ուսուցչական մեթոտաբանութիւն, գրաբար, լեզուի պատմութիւն, արդի արեւմտահայերէնի գրականութիւն, արդի եւ ժամանակակից գեղարուեստական պատմութիւն, ինչպէս նաեւ ստեղծագործական ընթերցումներ, հայ պարի եւ տուտուկի երեկոյեան դասեր եւ առաջնորդուած բազմաթիւ եւ անմոռանալի պտոյտներ:

Դասընթացքի նպատակն է հայերէնի լեզուի (ընդարձակ իմաստով), մշակոյթի ծանօթութիւնը եւ գիտութիւնը փոխանցուին որպէս կենդանի գիտելիքներ։ Անցեալ տարիներուն մասնակիցները կրցած են այս կերպով լաւացնել իրենց հորիզոնը, թարմացնել իրենց մօտեցումը, եւ հպում ունենալ հայ մշակոյթի եւ ընկեր-տնտեսական պատմութեան ամենակարեւոր կեդրոններէն մէկուն:

Այս դասընթացքին արդէն իսկ մասնակցած են աւելի քան 1000 անձ, աշխարհի չորս կողմերէն։

Կրնաք այս ծրագիրին մասին աւելի մանրամասն տեղեկութիւններ գտնել հետեւեալ կայքերուն վրայ՝

http://www.padus-araxes.com/home-page/summer-course/

https://www.youtube.com/watch?v=E8mVqT6u4mI&feature=share

https://www.youtube.com/watch?v=fTaUGjqn-o0#action=share

CRS_2019_ProgrammeEN)