ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Ապրիլ 16-ի եթերը
2019-04-16 14:35:15

Այսօրուան լուրերուն մէջ կը լսէք.

- Նոթր Տամի հրդեհը. Հայաստան կը կիսէ Ֆրանսայի զգացմունքները:

- Այսօր կը սկսի դրամահաւաք Աստուածամօր տաճարի վերականգնման աշխատանքներուն համար:

- Հայաստանի արտաքին գործոց նախարարը կ՛այցելէ Փարիզ:

0:00
0:00

Ֆրանսայի մայրաքաղաք Փարիզի Նոթր Տամ տաճարին մէջ մեծ հրդեհ պատահեցաւ: Իշխանութիւնները կ’ենթադրեն, որ հրդեհը առնչուած է 850-ամեայ տաճարին մէջ տարուող վերանորոգման աշխատանքներուն:

Հայաստան կը կիսէ Ֆրանսայի զգացմունքները»,- թուիթերի իր էջին՝ գրած է ՀՀ վարչապետ Նիկոլ Փաշինեան։

Փարիզի Աստուածամօր տաճարը կառուցուած է 12¬րդ դարուն: Անիկա տարեկան աշխարհի տարբեր վայրերէն միլիոնաւոր զբօսաշրջիկներու այցելութեան վայրն է: Աւելի ուշ, Նոթր Տամ տաճարի պատմական աշտարակը հրդեհին պատճառով ամբողջութեամբ փուլ եկաւ:

ԵՈՒՆԵՍՔՕ¬ն պատրաստակամութիւն յայտնեց տաճարին վերակառուցման օժանդակելու: Արձագանգելով հրդեհի դէպքին` Վատիկան յայտնեց, թէ շատ տխուր է ի տես Նոթր Տամի տաճարի աղէտին:

Աւելի ուշ դէպքի վայր ներկայացաւ Ֆրանսայի նախագահ Էմմանուէլ Մաքրոն, որմէ մօտաւորապէս մէկ ժամ ետք հրշէջ ծառայութեան վարչութեան պատասխանատուներէն մէկը յայտարարած է, թէ կարելի եղած է փրկել տաճարին հիմնական կառուցուածքը: Այսօր կը սկսի դրամահաւաք՝ տաճարի վերականգնման աշխատանքներուն համար։