ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Ապրիլ 17-ի եթերը
2019-04-17 14:25:30

Այսօրուան լուրերուն մէջ կը լսէք.

- Հայաստանի և Ֆրանսայի արտաքին գործոց նախարարները Փարիզի մէջ քննարկած են Արցախի խնդիրները:

- Նոթր Տամը կը վերականգնեն հինգ տարուայ ընթացքին. յայտարարած է Մաքրոն:

- Եգիպտական «Տիուան» պարբերականը անդրադարձած է Հայոց Ցեղասապնութեան:

0:00
0:00

Եգիպտական «Ահրամ»-ի հրատարակութիւն «Տիուան» (Դիւան) ամսաթերթը Ապրիլ ամսուան թիւով բաւական լայն անդրադարձ կատարած է Հայկական հարցին, Հայոց ցեղասպանութեան պատմութեան, մշակոյթին: Թիւին մէջ «Շնորհակալութիւն Եգիպտոս» խորագրուած յօդուած մը ստորագրած է եգիպտահայոց թեմի առաջնորդ Աշոտ եպս. Մնացականեան, իսկ պատմաբան Մոհամետ Ռեֆհաթ Իմամ լայնօրէն անդրադարձած է Հայոց ցեղասպանութեան` «Եգիպտոսը` Հայոց Ցեղասպանութեան ականատես վկան» խորագրուած ակնարկով:

Պատշաճ ծանօթագրութեամբ մը պարբերականի այս թիւին մէջ հրապարակուած է Անդրանիկ Ծառուկեանի «Թուղթ առ Երեւան» երկարաշունչ բանաստեղծութեան առաջին բաժինի արաբերէն թարգմանութիւնը:

Հետաքրքրական է պարբերականի խմբագրութեան պատրաստած մուտքի յօդուածը` «Հայոց կոտորածը. ոճիր, զոր չի սրբեր ժամանակը… իսկ մշակոյթը կը շարունակուի».