ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Կուսակցությունների գրանցման արցախյան մեխանիզմը
2018-11-19 20:08:25

Լուսինե Ավանեսյան
«Ռադիոլուր»-Ստեփանակերտ

 

Արցախում նոր կուսակցություն է ստեղծվել: Շաբաթ երեկոյան Շուշիում տեղի է ունեցել «Սասնա ծռեր» արցախյան կուսակցության հիմնադիր համագումարը:  Այն հայտարարություն ընդունեց՝ փաստելով, որ նորաստեղծ քաղաքական միավորումը «Սասնա Ծռեր» համահայկական կուսակցության համակարգմամբ գործող «Սասնա Ծռեր» համահայկական շարժման մասնակիցն է:

Արցախյան օրենսգրության համաձայն, կուսակցությունը մեկ ամիս ժամանակ ունի պետական գրանցում ստանալու համար, սակայն իրավաբանորեն այն իրավունք չունի գրանցվել որպես Համահայկական կառույցի մաս:


Արցախում գործող օրենքների համաձայն այլ պետություններում գործող քաղաքական կուսակցությունները Արցախում մասնաճյուղ կամ թեւ ունենալու իրավունք չունեն: 

Պետական ռեգիստրի գործակալության պետ Գայանե Մաքսիմովայի խոսքով`դրանք պետք է հանդես գան որպես առանձին  կուսակցություններ:

Այդ սկզբունքով Արցախում գործում են  թե համահայկական, թե միջազգային  գաղափարախոսություն ունեցող  մի շարք կուսակցություններ: Դրանք առանձին կուսակցություններ են` երբեմն կրկնելով գաղափարակից կուսակցությունների ծրագրային ու կանոնադրական  դրույթները, երբեմն դրանք տեղայնացնելով:


Այդ շարքում կարելի է դասել Հայ հեղափոխական դաշնակցություն կուսակցությունը, Լեռնային Ղարաբաղի կոմունիստական կուսակցությունը, Արցախի Արմենական կուսակցությունը: Իսկ ահա ռամկավարները  Արցախում ոչ միայն կուսակցական թեւ բացելու նպատակը չկարողացան իարգործել, այլեւ  չպահպանեցին կուսակցության համահայկական անվանումը:

Արցախցի ռամկավարների ատենապետ Բարդուղ Գալստյանի խոսքով` իրենց դիմումից մի քանի օր առաջ  պետական ռեգիստրում նույնանուն հասարակական  կազմակերպություն էր գրանցվել:

Հիմա դե ֆակտո ռամկավար, իսկ գրանցմամբ լիբերալ -դեմոկրատական կուսակցությունը  օրենքի խնդրոառարկա դրույթն անհեթեթություն համարելով:   Սասնա ծռեր կուսակցությունը Արցախում եւս պետք է գրանցվի որպես առանձին կուսակցություն:

Կուսակցության ղեկավար մարմնի անդամ Մխիթար Ավետիսյանի խոսքով կուսակցությունը կգրանցվի որպես «Սասնա ծռեր» արցախյան կուսակցություն, ունեբնալով ծրագրային նույն դրույթները, ինչ մայր կուսակցությունը:

Կուսակցությունը  Արցախի պետական ռեգիստրի գործակալությունում գրանցվելու համար մեկ ամիս ժամանակ ունի: 

«Սասնա Ծռեր» կուսակցության  Համագումարում Արցախի օրենսդրությունը  կուսակցությունների հիմնադրաման մասով հատուկ ուշադրության  արժանացավ  կուսակցության ծրագրային անելիքների համատեքստում: 

Նշվեց, որ  Արցախի  ակախությունն է  պատճառը, որ  կուսակցությունը հիմնադրվում է որպես առանձին կազմակերպություն:  Ընդգծվեց, որ «Սասնա Ծռեր» արցախյան կուսակցության հիմնական անելիքը պետք է դառնա Արցախը ՀՀ կազմում ներառելու ձևով ՀՀ-ին դե յուրե միացումը  և որ    մինչ այդ պահը Արցախի «Սասնա ծռեր» կուսակցությունը միայն ձևական-իրավական առումով կլինի առանձին` գործելով  որպես «Սասնա Ծռեր» համահայկական շարժման ամբողջական կազմակերպվածքի օրգանական բաղադրիչ:

0:00
0:00