Top.Mail.Ru
ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Ապրիլ 23-ի եթերը
2019-04-23 14:38:54

Այսօրուան լուրերուն մէջ կը լսէք.

Ազգային ժողովը ընդունեց Մարտ 1-ի տուժածներուն աջակցութիւն տալու օրինագիծը:

Թուրքիան դիակներու վրայ կառուցուած ցեղասպանական վարչակարգ է. Ալի Էրթեմ:

Այսօր երեկոյեան ջահերով աւանդական երթը դէպի Ծիծեռնակաբերդի յուշահամալիր:

0:00
0:00

Ֆրեզնոյի մօտ Հայաստանի պատուոյ հիւպատոս Պերճ Աբգարեան յայտնեց, թէ այժմ լաւագոյն պահն է Միացեալ Նահանգներու կողմէ Հայոց Ցեղասպանութիւնը ճանչնալու համար:

«Եթէ հաւանականութիւն կայ, որ այդ մէկը տեղի ունենայ, հիմա ամենայարմար պահն է», KSEE կայանին տուած հարցազրոյցի ընթացքին ըսած է Աբգարեան:

Աբգարեան ընդգծեց, որ նախագահ Թրամփ յայտնի է իր ոչ-աւանդական մօտեցումներով, ինչպէս՝ Իսրայէլի մօտ Միացեալ Նահանգներու դեսպանատունը Երուսաղէմ տեղափոխելը եւ Կոլանի բարձունքներուն՝ Իսրայէլի բռնգարաւումը օրինականացնելու փորձը։ Ամերիկայի եւ Թուրքիոյ միջեւ յարաբերութիւնները ներկայիս զգալիօրէն լարուած են յատկապէս Ռուսիայէն հրթիռներ գնելու Անգարայի որոշումին պատճառաւ:

Աբգարեան շեշտեց, որ յարաբերութիւններու վատթարացումը կրնայ «ստիպել նախագահ Թրամփին, որ ճիշդ վարուի» Հայոց Ցեղասպանութիւնը ճանչնալու հարցին մէջ: