ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Ապրիլ 26-ի եթերը
2019-04-26 14:23:52

Այսօրուան լուրերուն մէջ կը լսէք.

-Յեղափոխութենէն ետք ստեղծուած է 50 հազար աշխատատեղ. Վարչապետ Փաշինեան:

-Կարօ Փայլան թրքական խորհրդարանին կ՛առաջարկէ ուսումնասիրել 1915-թ կալանաւորուած հայ մտաւորականներու ճակատագիրը:

-18 միլիոն մարդ դիտած է իտալական պատկերասփիւռի չորս կայաններուն սփռած Հայոց Ցեղասպանութեան մասին հաղորդումները:

0:00
0:00

Թուրքիոյ քրտամէտ «Ժողովուրդներու դեմոկրատական» կուսակցութեան հայ պատգամաւոր Կարօ Փայլան խորհրդարան ներկայացուցած է նախագիծ մը, որմով կ՝առաջարկուի՝ ուսումնասիրել 1915թ. Ապրիլ 24-ին կալանաւորուած եւ յետոյ սպաննուած հայ մտաւորականներուն ճակատագիրը, պարզել անոնց աճիւններուն գտնուելու վայրը՝ յաւուր պատշաճի յուղարկաւորելու համար: Այս մասին կը հաղորդէ Ermenihaber.am-ը։

Փայլանի ներկայացուցած առաջարկին մէջ նշուած է. «Մեր խորհրդարանը Օսմանեան եւ հայ ժողովուրդի լուսաւորութեան համար պայքարած, կրթական կառոյցները կանգուն պահած, գրող, ստեղծագործող եւ այս հողերուն վրայ սպաննուած մտաւորականներուն իրաւունքը պէտք է ներկայացնէ եւ անոնց յիշատակը վառ պահէ»:

Հայերը 104 տարի է արդարութեան կը սպասեն, Փայլան ընդգծած է. «Հայոց Ցեղասպանութիւնը աշխարհի տասնեակ երկիրներու խորհրդարանի հարցը դարձած է, սակայն Թուրքիոյ ազգային մեծ ժողովէն ներս ընդհանրապէս չէ քննարկուած: Մինչդեռ հայ ժողովուրդի մեծագոյն ողբերգութիւնը պէտք է քննարկուի նոյն ա՛յն խորհրդարանին մէջ, որուն երկրին մէջ տեղի ունեցած է այդ ողբերգութիւնը: