ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր , Դեկտեմբեր 5-ի եթերը
2018-12-05 14:30:15

Այսօրուան լուրերուն մէջ  լսէք.

-Միլանոյի մէջ Հայաստանի և Ազրպէյճանի Արտաքին Գործոց նախարարներու հանդիպումը:

-Սուրիոյ հարցով 2-րդ գագաթաժողով Սթամպուլի մէջ, չորս երկիրներու առաջնորդութեամբ:

-<<Մարդիկ ,որոնք անցան կեանքիս մէջէն>>Ռոպէր Հատտէճեանի հետ:

0:00
0:00

ԱՄՆ-ի նոր դեսպանի թեկնածուի  պարզաբանումները՝ հայերու և Հայաստանի մասին:

Հայաստանի մէջ Միացյալ Նահանգներու քաղաքականութեան հիմնական նպատակն է՝ նպաստել ժողովրդավար եւ բարգաւաճող Հայաստանի անկախ պետականութեան: Այդ մասին Սենատի արտաքին յարաբերութիւններու յանձնաժողովին  յայտարարած է՝ Լին Թրէյսին,զորն առաջադրուած է նախագահ Տոնալտ Թրամփի կողմէ Հայաստանի մէջ որպէս  ԱՄՆ-ի դեսպան: Ըստ Ամերիկայի ձայնի, Թրէյսին շեշտած է որ կրկին կը հաստատեն իրենց նուիրուածութիւնը ինքնիշխան Հայաստանին, որն ազատ է ընտրելու սեփական գործընկերները: Իր ելոյթին մէջ դիւանագէտն ընդգծած է, որ շատերուն պէս  ոգեւորուած էր Հայաստանի «Թաւշեայ Յեղափոխութեամբ»:՝

Ծերակոյտի անդամ Պոպ Մենենտէզ լսումներու ընթացքին  յատուկ բարձրացուց  Հայոց ցեղասպանութեան ճանաչման խնդիրը,  հարց մը, որ ըստ իրեն ,պէտք է պատմական լուծում ստանայ: Այս հարցի վերաբերյալ Լին Թրէյսին նշեց.

«1915 թուականի սարսափելի իրադարձութիւնները 20-րդ դարու վատագոյն դաժանություններէն  մէկն էին, երբ Օսմանյան կայսրութեան վերջին տարիներուն մէկ ու կէս միլիոն հայ արտաքսուեցաւ, սպանուեցաւ  : Ինչպես այս տարի հայերու յիշատակի օրն ընդգծած էր նախագահ Թրամփ, նման դաժանութիւնները պէտք չէ կրկնուին»:

Մենենտէզի կարծիքով սակայն, Ուաշինկթընի մօտեցումը պէտք է փոխուի. «Մենք ունինք պատմական իրականութիւն. մէկ ու կէս միլիոն մարդ սպանուած է, այդ ցեղասպանութիւն է: Եւ ահա մենք կ’ուղարկենք դեսպանը այդ երկիր, ան  կ’այցելէ Հայ ժողովուրդի զոհերու յուշարձան, բայց ան չի կրնար այն ցեղասպանութիւն անուանել: Բաւականին զաւեշտալի է: Եթէ մենք ի վիճակի չենք ճանչնալ անցեալը, մենք չենք կրնար  ազատիլ ատկէ:  Անհրաժեշտ է փոխել այս իրավիճակը: Ծերակուտականները իրենց վերջնական կարծիքը կ’արտայայտեն քուէարկութեամբ աւելի ուշ, երբ գրաւոր պատասխան ստանան նաեւ իրենց կողմէ թեկնածուներուն ուղղուած  շարք մը գրաւոր հարցերուն: