ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Դեկտեմբեր 11-ի եթերը
2018-12-11 14:28:58

Այսօրուան լուրերուն մէջ կը լսէք.

- Եվրոպան և Ամերիկան կ’ողջունեն Հայաստանի խորհրդարանական ընտրութիւնները:

- Մաքրոն Ֆրանսայի մէջ արտակարգ տնտեսական և ընկերային դրութեան մասին իսկ Թերէզա Մէյը յետաձգեց Եվրոմիութեան կազմէն դուրս գալու համաձայնագիրի քուէարկութիւնը:

0:00
0:00
 

 Հայաստանի Հանրապետութեան Ազգային ժողովի ընտրութիւններու նախնական արդիւնքներուն համաձայն՝ Հայաստանի նոր խորհրդարանը պիտի ունենայ 132 պատգամաւոր, որովհետեւ «Իմ Քայլը» դաշինքը ստացած է ձայներուն առաւել քան 70 տոկոսը, եւ որովհետեւ, ըստ Ընտրական օրէնսգիրքին, Ազգային ժողովին մէջ  ընդդիմութիւնը չի կրնար 1/3 էն պակաս իրաւագիրներ ունենալ, հետեւաբար, Ազգային ժողով անցած միւս երկու ուժերը լրացուցիչ իրաւագիրներ պիտի ստանան, որպէսզի անոնց ներկայութիւնը Ազգային ժողովին մէջ  կազմէ անդամներուն 1/3ը:

Հաշուարկներուն իբրեւ արդիւնք կը պարզուի, որ «Իմ Քայլը» դաշինքը կը ստանայ 84 իրաւագիր, «Իմ Քայլը» դաշինքին բաժին կը հասնին ազգային փոքրամասնութիւններուն հասնող 4 իրաւագիրները:

Այսպիսով, «Իմ Քայլը» դաշինքը պիտի ունենայ 88 իրաւագիր:

 «Բարգաւաճ Հայաստան»՝ 26 իրաւագիր, 

«Լուսաւոր Հայաստան»՝  18 իրաւագիր: