ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Ֆրանսիական մշակույթը, տնտեսությունը, խոհանոցը, շունչը. կիրակի մեկնարկում են Ֆրանկոֆոնիայի գագաթաժողովի միջոցառումները
2018-10-05 18:13:59

Ֆրանսիական  երաժշտություն, ֆիլմեր, կերակրատեսակներ, մշակույթ. ֆրանսիական շունչը շուտով կողողի ողջ Հայաստանը: Մեր երկիրը պատրաստվում է իր հարկի տակ ընդունել աշխարհի ֆրանկոֆոն երկրների մեծաքանակ հյուրեր, բարձրաստիճան պատվիրակներ: Ամենահաճելի միջոցառումների շարքում է հոկտեմբերի 11-ը՝ Հանրապետության հրապարակում նախատեսված գալա- համերգը:

Հայաստանում սիրում են ֆրանսիական երաժշտություն: Միջոցառման ընթացքում ծանրակշիռ տեղ էր հատկացվելու անշուշտ երկու երկրներին՝ Հայաստանին ու Ֆրանսիային միավորող խորհրդանիշ դարձած մեծանուն շանսոնիեին՝ Շառլ Ազնավորին: Սակայն ժամանակը չի սպասում ու հաշվի չի նստում մեր ծրագրերի հետ:  Այդուհանդերձ՝ Ազնավուրին հատկացված տեղը բաց չի մնա, համերգի եզրափակիչ փուլում բեմում կլինի Ազնավուրը՝ վստահեցնում է   Հայաստանի արտգործնախարարության՝ ՖՄԿ գագաթաժողովի անցկացման աշխատանքային հանձնախմբի ղեկավար Վահագն Մելիքյանը:

ՀՀ ԱԳՆ-ն աշխատում է Ելիսեյան պալատի հետ, շատ հարցեր դեռ վերջնական հստակեցված չեն, կան առաջարկներ, որոնք դեռ  քննարկման փուլում են։ Վահագն Մելիքյանը չի բացառում Հանրապետության հրապարակում աշխարհահռչակ շատ երգիչ- երգչուհիների մասնակցությունը:

Առայժմ նշվում են մի քանի անուններ. Անժելիկ Կիդժոն՝ կամ ինչպես ասում են աֆրիկացի  Սելին Դիոնը, Մելոդի Գարդոն,  hայնահայտ Զազը: Նրանց կատարումները հայտնի են ֆրանսիական երաժշտության հայ սիրահարներին.

Ֆրանկոֆոնիայի 17-րդ գագաթնաժողովի շրջանակներում մեծ կարևորություն է տրվելու անցկացվելիք գործարար համաժողովի: Սա կարևոր բաղկացուցիչ է և գործարար կապեր հաստատելու լավ հնարավորություն: Տնտեսական համաժողովին ակնկալվում է Երևանում տեսնել 360 մասնակից տարբեր երկրներից: ՀՀ տնտեսական զարգացման և ներդրումների փոխնախարար Մանե Ադամյանի խոսքով՝ նախատեսված էքսպոն լինելու է տարածաշրջանում ամենամեծը: Արդեն հայտնի է, որ ֆորումի գլխավոր բանախոսներից է լիելու Սոֆիա ռոբոտը, որը արհեստական ինտելեկտի կատարյալ դրսևորում է համարվում այսօր.

Ակնկալվում է, որ Երեւան կժամանեն բարձր տեխնոլոգիաների, արդյունաբերական ինտերնետի ոլորտներից, առողջապահության ոլորտում նորարար լուծումներ առաջարկող, վերականգնվող էներգետիկայի, սմարթ գյուղատնտեսությոմ զբաղվող գործարարներ: Բիզնես ֆորումը խոստանում է որոշակի խթան հանդիսանալ Հայաստանի տնտեսության զարգացման  ուղղությամբ:

0:00
0:00