ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արդյո՞ք քաղցկեղածին են հավկիթներն Ալավերդում
2018-12-15 13:00:56

Հասմիկ Դիլանյան
«Ռադիոլուր»

«Ծանր հանքարդյունաբերություն՝  անվերահսկելի ու քայքայիչ թե' մարդու առողջության, թե' շրջակա միջավայրի համար. եվրոպացի փորձագետները զարմացած են ու մտահոգ՝ Լոռու մարզի օդի աղտոտվածության հետ կապված խնդիրներից:

Մտահոգությունը միայն մեկ մարզից է, քանի որ չեխ գիտնականներն այնտեղ են ուսումնասիրություն կատարել: Հայ գիտնականները նույնպես հետազոտություններ են կատարել:

0:00
0:00

Թեղուտ, Ալավերդի, Ախթալա, Շնող ու ոչ միայն… Լոռու մարզի  գյուղական ու քաղաքային համայնքներում աղտոտված են հողը, ջուրն ու հատկապես հավկիթը:

Հետազոտությունը չեխ մասնագետներինն է, Պրահայի քիմիական-տեխնոլոգիական համալսարանի լաբորատորիաներումեն պարզել, որ օրինակ, հավկիթի մեջ քաղցկեղածին քիմիական միացություն՝ դիօքսին  կա:

Լոռու մարզի օդի աղտոտվածության մասին նաև Չեխիայում են խոսել՝


«Օդի աղտոտվածությունը եվրոպական
քաղաքներում» խորագրով միջազգային համաժողովի ժամանակ: Պատկերը եվրոպացիներին  մտահոգել է՝ ասում է «Ռադիոլուրի» զրուցակիցը՝ Համայնքային համախմբման  ու աջակցության կենտրոնի տնօրեն Օլեգ Դուլգարյանը:

Մենք դեռևս այդպես ծանր հանքարդյունաբերություն ունենք, անվերահսկելի ու քայքայիչ թե՛ մարդու առողջության, թե՛ շրջակա միջավայրի համար:

Զրուցակիցս, բնակվելով Ալավերդիում, գիտի՝ օդն աղտոտված է, սակայն հայտարարություններին, որ Ալավերդու հավկիթները քաղցկեղածին են, վերապահումներով է մոտենում. 

«Հոդվածներ դուրս եկան, որ Ալավերդու ձուն քաղցկեղածին է, կարծում եմ շատ սուր հայտարարություն է, բայց այն, որ ձվի մեջ հայտնաբերվել է  բոլոր վնասակար ծանր մետաղների՝ մի քանի հարյուր անգամ ավելի առկայությունը, դա փաստ է»:

Էկոկենտրոնի սննդի  ռիսկերի գնահատման կենտրոնի ղեկավար Դավիթ Պիպոյանը «Ռադիոլուրի» հետ զրույցում իրենց հետազոտության տվյալներն է մատնանշում: Ուսումնասիրել են Ալավերդիում աճեցված պտուղ-բանջարեղենի աղտոտման առանձնահատկությունները, ինչպես նաեւ ծանր մետաղների ներազդեցությունը մարդու օրգանիզմի վրա:


Ակնհայտ է, որ թուզը և կարտոֆիլը նույն քանակով չեն օգտագործվում, ասում է փորձագետը:

Հանքարդյունաբերական ձեռնարկություններին մոտ գտնվող համայնքները փոխհատուցում են ստանում՝ շրջակա միջավայրի պահպանության ու առողջապահական խնդիրների համար:

Ալավերդի խոշորացված համայնքի ղեկավար Սասուն Խեչումյանը «Ռադիոլուրի» հետ զրույցում փաստում է՝ Ալավերդու պղնձաձուլարանը գումար փոխանցում է, իրենք այն ուղղում են մանկապարտեզների սաների ու հղիների առողջության պահպանման ծրագրերն:

Մասնագետները նաև փաստում են՝ Թեղուտի հանքի շահագործումից  հետո Շնող գետի աղտոտվածության աստիճանը բարձրացավ՝ երրորդից դառնալով հինգերորդ կատեգորիա։