ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Դեկտեմբեր 20-ի եթերը
2018-12-20 14:26:23

Այսօրուան լուրերուն մէջ կը լսէք.

-Հաւանական է որ Սփիւռքի Նախարարութիւն չունենանք. Նիկոլ Փաշինեան:

-Հարուած թիկունքէն. Սուրիոյ քիւրտերը այսպէս կ’անուանեն երկրէն Ամերիկայի զօրքերուն դուրս գալու Թրամփի հրամանը:

_Ն.Ս.Օ.Տ.Տ.  Արամ Ա. Կաթողիկոսի պատգամը 2019 տարին հռչակել <<Հայ Մամուլի Տարի>>:

0:00
0:00

Հաւանական է որ Սփիւռքի Նախարարութիւն չունենանք. Նիկոլ Փաշինեան

«Մենք հիմա քննարկումներու փուլի մէջ ենք։ Մեր ամենակարեւոր խնդիրը պետական կառավարման համակարգին մէջ կառավարման առաւել արդիւնաւէտ մակարդակի հասնիլն է, ներառեալ` Սփիւռքի հետ յարաբերութիւններու մէջ։ Այո՛, կայ այդպիսի հաւանականութիւն, եւ բաւական մեծ է այդ հաւանականութիւնը, որ նոր կառավարութեան կառուցուածքին մէջ Սփիւռքի նախարարութիւն չենք ունենար, բայց ատիկա չի նշանակեր, որ մենք այլ կառոյցներու միջոցով այդ կապերը արդիւնաւէտ չենք դարձներ»,- յայտարարեց Նիկոլ Փաշինեան:

Մեծ է հաւանականութիւնը, որ նոր կառավարութեան կառուցուածքին մէջ Սփիւռքի նախարարութիւն չունենանք: Այս մասին յայտարարեց վաչապետի պաշտօնակատարը ՆԵՐՈւժ ծրագիրի շրջածիրէն ներս երիտասարդ ձեռներէցներու հետ հանդիպման ժամանակ :

Փաշինեանի խօսքով՝ ամենակարեւոր էական խնդիրը այն է, որ, ըստ էութեան, Սփիւռքի հետ յարաբերութիւններու բաղադրիչ ունին բոլոր նախարարութիւնները` առանց բացառութեան։ «Ասիկա էական խնդիր է, որ մենք պէտք է լուծենք։ Կայ այդ խնդիրը լուծելու քանի մը տարբերակ, որոնց վրայ մենք կ՝աշխատինք»,- շեշտած է ան :