ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Յունուար 31-ի եթերը
2019-01-31 14:28:04

Այսօրուան լուրերուն մէջ կը լսէք.

- Այսօր վարչապետ Փաշինեանի հանդիպումը Գերմանիոյ բարձրագոյն ղեկավարներուն հետ:

- Աննախադէպ ատելութիւն Է հայ համայնքին հանդէպ. ըսած է Սփիւռքի նախարարի պաշտօնակատարը:

- Իրան յայտնուած է վերջին 40 տարուան ընթացքին ամենաբարդ տնտեսական իրավիճակին մէջ:

0:00
0:00

Երէկ երեկոյեան Հայաստանի Հանրապետութեան վարչապետ Նիկոլ Փաշինեանը տիկնոջ՝ Աննա Յակոբեանի հետ Գերմանիոյ Դաշնային Հանրապետութեան վարչապետ Անկելա Մերքէլի հրաւէրով պաշտօնական այցով մեկնեցաւ Գերմանիա:

Այցի շրջանակէն ներս Պերլինի մէջ վարչապետը հանդիպումներ պիտի ունենայ Գերմանիոյ բարձրագոյն ղեկավարութեան հետ՝ նախագահ Ֆրանք Վալթըր-Շթայնմայըրի, վարչապետ Անկելա Մերքէլի, Պունտեսթակի նախագահ Ուոլֆկանկ Շոյպլէի հետ: Նիկոլ Փաշինեանը պիտի այցելէ Քոնրատ Ատենաուըր հիմնադրամի գրասենեակ, ուր հանդէս պիտի գայ ելոյթով

Գերմանիոյ Քիոլն քաղաքին մէջ վարչապետ Նիկոլ Փաշինեանը պիտի հանդիպի գերմանահայ համայնքի ներկայացուցիչներուն, ինչպէս նաեւ Քիոլնի քաղաքապետին հետ: Կը նախատեսուի նաեւ ՀՀ վարչապետի այցը Քիոլնի թեքնիքական համալսարան եւ հանդիպում ուսանողներու ու փրոֆեսորադասախօսական կազմին հետ: Այստեղ կը նախատեսուի համագործակցութեան յուշագրի ստորագրում Քյոլնի թեքնիկական համալսարանի և Հայաստանի ազգային պոլիտեխնիկական ինստիտուտի միջև: Համալսարանին մէջ վարչապետը հանդէս պիտի գայ ելոյթով, ապա պիտի պատասխանէ ուսանողներու և փրոֆեսորադասախօսական կազմի հարցերուն: