ՈՒՂԻՂ ԵԹԵՐ 
Այսօրուան լուրերուն մէջ կը լսէք.
- Վարչապետի հանդիպումը Մերքելի հետ իսկ գերմանահայոց հետ՝ Քէոլնի մէջ:
- Անենայն Հայոց Կաթողիկոսը հովուապետական այցով մեկնած է Աւստրալիա:
- Ինը ամիս ետք Լիբանան նոր կառավարութիւն ունեցաւ:
Կէսօրին պիտի կայանայ վարչապետ Անկելա Մերքելի եւ վարչապետ Նիկոլ Փաշինեանի հանդիպումը, որմէ ետք, անոնք հանդէս պիտի գան մամուլի ասուլիսով։
Պաշտօնական այցին երկրորդ օրը ՀՀ վարչապետ Նիկոլ Փաշինեան, Փետրուար 1-ին, իր հանդիպումները կը շարունակէ Պեռլինի մէջ:
Վարչապետ Նիկոլ Փաշինեան պիտի հանդիպի նաեւ Գերմանիոյ նախագահ Ֆրանք Վալթըր-Շթայնմայըրի հետ։ Ապա նախատեսուած է հանդիպում Գերմանիոյ տնտեսութեան Արեւելեան յանձնաժողով-Արեւելեան Եւրոպա միութեան գործադիր տնօրէն Միխայէլ Հարմսի եւ գերմանական առաջատար ընկերութիւններու ներկայացուցիչներու հետ։