ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար 4-ի եթերը
2019-02-04 14:36:17

Այսօրուան լուրերուն մէջ կը լսէք.

- Հռոմի Պապի այցը Ապու Տապի նոր էջ կը բանայ կրօնական պատմութեան մէջ:

- Ամերիկայի հայ կրթական հիմնարկութիւնը ճարտարագիտական 4 կեդրոններ կը բանայ Հայաստանի և Արցախի մէջ:

- Փետրուար 4-ը քաղցկեղի դէմ պայքարի համաշխարհային օրն է:

0:00
0:00

Ֆրանչիսկոս Պապը Հռոմի առաջին պապն է, որ կ՛այցելէ Արաբական թերակղզի:Ան Արաբական Միացեալ Էմիրութիւններ հրաւիրուած էր Ապու Տապիի գահաժառանգ շէյխ Մոհամետ պըն Զայետ Ալ Նահիան իշխանին կողմէ` մասնակցելու համար «Մարդկային եղբայրութիւն» միջազգային միջկրօնական խորհրդաժողովին: Ան Արաբական Միացեալ Էմիրութիւններ պիտի մնայ մինչեւ 5 Փետրուար:

Պապը Երեքշաբթի օր պիտի մատուցէ Ս. պատարագ մը, որուն մասնակիցներուն թիւը կը նախատեսուի, որ շուրջ 120.000 ըլլայ:

Վատիկանի մէջ յոյս ունին, որ այցը «նոր էջ կը բանայ կրօնական յարաբերություններու պատմութեան մէջ»: Խորհրդաժովողին կաթոլիկ աշխարհի առաջնորդի և ամենայարգուած սիւննի շէյխերէն մեկուն մասնակցութիւնը՝ միջոցառման մասնակիցներուն մտայղացմամբ կը դառնայ կրօնական տարբեր դաւանանքներու ներկայացուցիչներուն միջև երկխօսութեան խորհրդանիշ:

Եռօրեայ այցելութեամբ` Ապու Տապի մեկնելէ մէկ ժամ առաջ Վատիկանի մէջ կիրակնօրեայ աւանդական քարոզի ժամանակ ան Արաբական Միացեալ Էմիրութիւններ իր այցելութիւնը նկատեց «կարճ, սակայն կարեւոր ճամբորդութիւն»:

Այցի մասին  զրուցեցինք միացեալ Էմիրութիւններու առաջնորդ՝ Մեսրոպ սրբազան Սարգիսեանի հետ: