Սուրեն Պապիկյանը՝ «Իմ քայլը» դաշինքի նախընտրական շտաբը ղեկավար

Լուրեր

2018-11-09 09:55:32

«Իմ քայլը» դաշինքի նախընտրական շտաբը գալիք խորհրդարանական ընտրություններում կղեկավարի Տարածքային կառավարման և զարգացման նախարարի պաշտոնակատար, «Քաղաքացիական պայմանագիր» կուսակցության անդամ Սուրեն Պապիկյանը։ Տեղեկությունը հրապարակված է Քաղաքացիակայն պայմանագիր կուսակցության ֆեյսբուքյան էջում։

«Սիրելի հայրենակիցներ, տեղեկացնում եմ, որ գալիք խորհրդարանական ընտրություններում պատիվ ունեմ ղեկավարելու «Իմ քայլը» դաշինքի նախընտրական շտաբը ։ Այս պատասխանատու և պարտավորեցնող գործում մեր ստանձնած առաքելությունը մեկն է. ապահովել ազատ և արդար ընտրություններ և ամրագրել Հայաստանի Հանրապետության քաղաքացու վերջնական հաղթանակը»,- ասված է գրառման մեջ։

Արտահերթ խորհրդարանական ընտրությունները կայանալու են դեկտեմբերի 9-ին, իսկ քարոզարշավը մեկնարկելու է նոյեմբերի 26-ին:

Դեկտեմբերի 9-ին նախատեսված արտահերթ խորհրդարանական ընտրությունների անցկացման նպատակով կառավարությունը շուրջ 3 մլրդ դրամ է հատկացրել Կենտրոնական ընտրական հանձնաժողովին ու ընտրական գործընթացում ներգրավված մյուս գերատեսչություններին:

ԱԺ արտահերթ ընտրություններին մասնակցելու համար կուսակցությունները փաստաթղթերը պետք է Կենտրոնական ընտրական հանձնաժողով ներկայացնեն մինչեւ նոյեմբերի 14-ը՝ ժամը 18։00-ը, իսկ կուսակցությունների կամ դաշինքների ընտրացուցակների գրանցումը պետք է կատարվի նոյեմբերի 14-19 ընկած ժամանակահատվածում:

Այս պահի դրությամբ որոշ կուսակցություններ արտահերթ ընտրություններին մասնակցելու հստակ որոշում ունեն, որոշներն էլ դեռեւս քննարկումների մեջ են:

Ամենաընթերցվածը

2019-02-12 18:45:21

Ինչպես կքվեարկեն ԼՀԿ-ն ու ԲՀԿ-ն կառավարության ծրագրին

2019-02-12 18:29:47

Տեղեկատվության ազատության եւ անձնական կյանքի պաշտպանության «բախումը»

2019-02-13 11:05:18

Որքանո՞վ է հիմնավոր թունաքիմիկատների թանկացումը

2019-02-13 10:41:52

ԱԺ-ը շարունակում է քննարկել կառավարության ծրագիրը (ուղիղ)

2019-02-13 11:38:18

Մոսկվան կողմ է Վենեսուելայում համազգային երկխոսություն ստեղծելուն