ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար12-ի եթերը
2019-02-12 14:33:00

Այսօրուան լուրերուն մէջ կը լսէք.

Ազգային Ժողովը կը քննարկէ կառավարութեան ծրագիրը:

Փետրուար 14-ին Ռուսաստանի Թուրքիոյ և Իրանի նախագահներուն հանդիպումը Սոչիի մէջ:

Թրամփ պարսկերէնով կը քննադատէ Իրանի իշխանութիւնները:

0:00
0:00

7-րդ գումարման Ազգային ժողովի այսօրուան օրակարգին վրայ է կառավարության ծրագրի հաստատումը: Փաստաթուղթը ներկայացնելու համար կառավարութիւնը խորհրդարան եկած է գրեթէ ամբողջ կազմով: Ծրագիրը ներկայացուց վարչապետ Նիկոլ Փաշինեան,  «Մեզի համար շատ կարևոր է որպէսզի մարդ զերոյէն պիզնէս ընելու հնարաւորութիւն ունենայ Հայաստանի մէջ». յայտարարեց վարչապետը:

ԿառավարութԵան յառաջիկայ տնտեսական քաղաքականութեան հիմնական առանձնայատկութիւնը պիտի ըլլայ ներառական տնտեսական աճի խթանումը։ Տնտեսութիւնը պէտք է աճի , ծրագրային ժամանակահատուածին մէջ ՀՆԱ-ի աճի միջինը պէտք է կազմէ առնուազն 5 տոկոս:

Փաստաթուղթի համաձայն, ապրանքներու և ծառայութիւններու արտահանման զգալի աճը պէտք է դառնայ Հայաստանի տնտեսական յառաջընթացի հիմնական շարժիչը։ Ծրագրային ժամանակահատուածի աւարտին ապրանքներու և ծառայութիւննեու արտահանումը ՀՆԱ-ի նկատմամբ պէտք է հասնի 43-45 տոկոսի:

Կառավարութեան ծրագիրը հաստատուած էր ՀՀ կառավարութիւն Փետրուար 8-ի արտահերթ նիստին և օրէնքով սահմանուած կարգով ներկայացուած էր Ազգային ժողով: