ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր Փետրուար 13-ի եթերը
2019-02-13 14:34:42

Այսօրուան լուրերուն մէջ կը լսէք.

-Նոր մեղադրանք առաջադրուած է ՀՀ 2-րդ նախագահէ Ռ. Քոչարեանին դէմ :

- Ամերիկայի պետական պարտքը վիթխարի թիւերու հասած է:

- Անթիլիասի մէջ Արամ Ա.կաթողիկոս հիւրընկալեց յայտնի երաժիշտ՝ Տ.Մանսուրեանը:

0:00
0:00

Ազգային ժողովին մէջ կառավարութեան ծրագիրը ներկայացնելու ընթացքին վաչապետ Նիկոլ Փաշինեան ըսած է. Թէ՝ կառավարութիւնը միտուած է կառավարութեան կառուցուածքին մէջ չունենալ սփիւռքի նախարարութիւն: Ասոր փոխարէն վարչապետի աշխատակազմին մէջ մենք պիտի ունենանք սփիւռքի գործերով գլխաւոր յանձնակատար, որ վարչապետի անունէն եւ յանձնարարութեամբ պիտի իրականացնէ սփիւռքի հետ յարաբերութիւններու քաղաքականութիւնը, ինչպէս նաեւ վարչապետի յանձնարարութեամբ պիտի համակարգէ նախարարութիւններու աշխատանքը սփիւռքի հետ յարաբերութիւններուն մէջ` միեւնոյն ժամանակ ապահովելով Հայաստան-Սփիւռք յարաբերութիւններու բաւական բարձր եւ պատշաճ մակարդակ»,- նշած է ան:

Ըստ վարչապետի՝ կառավարութիւնը սփիւռքի հետ յարաբերութիւններուն մէջ իր առջեւ դրած է երկու խնդիր : Առաջինը, որ մինչեւ այսօր չունինք սփիւռքի ներուժի քարտէսագրում: Կառավարութեան գործունէութեան ծրագրին մէջ առանձնայատուկ տեղ յատկացուած է համահայկական ցանցի ստեղծման: Յաջորդ կարեւորագոյն խնդիրը եւ գործօնը սփիւռքը ներկայացնող միասնական կառոյցի եւ միասնական կազմակերպութեամբ կամ ձեւաչափի ստեղծումն է:

մենք խնդիր ունինք ձեւաւորելու ամբողջ սփիւռքը ներկայացնող ինչ որ ներկայացուցչական կառոյց եւ մենք բոլորս կը հասկնանք, որ սա պիտի ըլլայ չափազանց մեծ մարտահրաւէր եւ լրջագոյն խնդիր, որովհետեւ գիտէք, որ սփիւռքը բազմաշերտ է, շատ բարդ է, այնտեղ կան բազմաթիւ յարաբերութիւններ, հակասութիւններ: