ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար 14-ի եթերը
2019-02-14 14:33:37

Այսօրուան լուրերուն մէջ կը լսէք.

- Միւնիխի անվտանգութեան համաժողովին կը մասնակցինՀՀնախագահն ու Արտգործ նախարարը:

- Այսօր Սուրիոյ նուիրուած եռակողմ գագաթաժողովը Սոչիի մէջ:

- Հայաստանի համար հումանիտար խումբը Սուրիոյ մէջ կը լուծէ Հայաստանի սեփական խնդիրը:

0:00
0:00

Արաբագէտ Արմէն Պետրոսեան Ուաշինգթընի արձագանքը կանխատեսելի որակելով,կ՛ըսէ .

« Պէտք է արձանագրենք, որ քաղաքական գործընթացներ տեղի կ՛ունենան և Ամերիկան կը փորձէ օգտագործել այս իրավիճակը ինչ-ինչ քաղաքական խնդիրներ լուծելու, հերթական անգամ ընդգծելու, որ Ուաշինգթընին դուր չի գար Ռուսաստանի, Սուրիոյ հետ համագործակցութիւնը: Բայց միշտ կը նշեմ, որ նաև այս առաքելութեան հետ կապուած հայկական կողմը ունի շահեր Սուրիոյ ու յատկապէս Հալէպի մէջ: Շրջանը մեզի համար ունի ռազմավարական նշանակութիւն և այստեղ մեր շահերն առարկայացնելու և խնդիրները լուծելու համար պէտք է օգտագործենք բոլոր հնարաւորութիւնները»:

Արդեօք արդարացուած էր Երևանի քայլը՝ նոյնիսկ Ուաշինգթընի կանխատեսելի վերաբերունքի պարագային, ռատիօ լուրը հարցուց Արմէն Պետրոսեանին:

« Աշխարհի վրայ չկայ նման երկրորդ երկիր, որն ունի այնպիսի հետաքրքրութիւններ Սուրիոյ մէջ, ինչպիսին ունի Հայաստանի Հանրապետութիւնը: Իսկ նման պարագային Հայաստանը կը լուծէ սեփական խնդիրը, իսկ Ռուսաստանի կամ Սուրիոյ կառավարութեան հետ համագործակցութիւնը ընդամէնը միջոց է այդ ճանապարհին»:

Արմէն Պետրոսեան համոզուած է, որ ներկայ պայմաններուն դիւանագիտական ճանապարհներով հայկական կողմը պէտք է հիմնաւորէ իր մօտեցումը և շատ աւելի հրապարակային դարձնէ իր առաքելութեան գործունէութիւնը Սուրիոյ մէջ՝ ցոյց տալու աշխարհին, որ Հայաստանը Հալէպի մէջ կ՛իրականացնէ բացառապէս մարդասիրական արաքելութիւն: Իրողութիւնները ճիշտ և փաստարկուած հիմնաւորելու պարագային մենք կը մեղմացնենք անհիմն բացասական արձագանքները: