Top.Mail.Ru
ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար 15-ի եթերը
2019-02-15 14:36:23

Այսօրուան լուրերուն մէջ կը լսէք.

- Միւնիխի մէջ ապահովական հարցերու համաժողովը մեկնարկած է, կը նախատեսուի Մնացականեան-Լաւրով հանդիպում:

- Աստանայի մէջ Սուրիոյ հարցով յաջորդ հանդիպումը պիտի կայանայ Ապրիլին:

- Առաջին անգամ Հայաստանի մէջ «Միտքերու գագաթաժողով» Յունիս ամսուն:

0:00
0:00

Գերմանիոյ մէջ այսօր կը սկսին Միւնիխի 55-րդ ապահովական հարցերու համաժողովը: կը սպասուի, որ համաժողովին ներկայ կ’ըլլան աւելի քան 35 երկրի ղեկավար, 50 արտգործնախարար և 30 պաշտպանութեան նախարար: Օրակարգին վրայ է՝ գերտերութիւններու մրցակցութեան հնարաւոր հետևանքները, Եվրոմիութեան մէջ առկայ խնդիրները, տրանս -ատլանտեան համագործակցութեան հարցերն են, նաեւ ուժանիւթի անվտանգութեան, սպառազինութիււններու վերահսկողութեան հարցերը:

Միւնիխի ապահովական համաժողովի բացման պաշտօնական արարողութեան կը մասնակցի նաև ՀՀ նախագահ Արմէն Սարգսեանը: Հանրապետութեան նախագահն երէկ արդէն հանդիպած է Գերմանիոյ հնագոյն քաղաքներէն մէկուն՝ Հայտելպըրկի քաղաքապետի հետ, նախատեսուած է նաև այցը Գերմանիոյ ամենահին բարձրագոյն ուսումնական հաստատութիւն՝ Հայտելպըրկի համալսարան, ուր հանդէս պիտի գայ ելոյթով, ապա պիտի պատասխանէ ներկաներու հարցերուն: Նախագահ Արմէն Սարգսեանն այցի ընթացքին կը հանդիպի նաև գիտական և գործարար շրջանակներու հետ, կ’այցելէ Եւրոպական հարաւային աստղադիտարան, որն աշխարհի խոշորագոյն կեդրոններէն մէկն է:

Լաւրով Միւնիխի Մէջ Պիտի հանդիպի Մնացականեանի Հետ. Ռուսիոյ արտաքին գործոց նախարար Սերկէյ Լաւրով Միւնիխի մէջ տեղի ունենալիք Ապահովական հարցերու խորհրդաժողովին ընթացքին շարք մը երկկողմանի հանդիպումներ պիտի ունենայ զանազան երկիրներու իր պաշտօնակիցներուն հետ եւ կը նախատեսուի  անոր հանդիպումը Հայաստանի արտաքին գործոց նախարար Զօհրապ Մնացականեանի հետ, յայտնեց Ռուսիոյ արտաքին գործոց նախարարութեան պաշտօնական ներկայացուցիչ Մարիա Զախարովա: