ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար 18-ի եթերը
2019-02-18 14:28:02

Այսօրուան լուրերուն մէջ կը լսէք.

- Հանրապետութեան 24 համայնքներու մէջ երէկ կայացած տեղական ինքնակառավարման մարմիններու ընտրութիւնները:

- Հայաստանի Պատուոյ պահակային վաշտի տպաւորիչ ելոյթն ու ՀՀ Պաշտպանութեան նախարարի հանդիպումները Ապու Տապիի մէջ:

- Ամերիկան և Եվրոպան իրենց մօտեցումներով հետզհետէ կը հեռանան:

0:00
0:00

ՀՀ ՊՆ պատուոյ պահակային վաշտի տպաւորիչ ելոյթին տեսանիւթը տարածուած է հասարակական ցանցերու մէջ

 

Հայաստանի Պաշտպանութեան նախարարութեան պատուոյ պահակային վաշտը Ապու Տապիի մէջ դիտարժան ելոյթով հանդէս եկած է IDEX-2019 ցուցահանդէսին, որուն կը մասնակցի նաեւ ՀՀ պաշտպանութեան նախարար Դաւիթ Տօնոյեան:

ՀՀ պաշտպանության նախարար Դաւիթ Տոնոյեան Փետրուար 17 ին Արաբական Միացեալ Էմիրութիւններու մէջ հանդիպում ունեցած է Ապու Տաբի էմիրութեան թագաժառանգ, Էմիրութիւններու զինուած ուժերու գերագոյն հրամանատարի տեղակալ Շէյխ Մուհամմատ պըն Զայէտ Ալ Նահեանի հետ։ Նոյն օրը Դաւիթ Տոնոյեան հանդիպած է նաև ԱՄԷ փոխնախագահ, վարչապետ, պաշտպանութեան նախարար, Տուպայի կառավարիչ Շէյխ Մուհամմատ պըն Ռաշէտ Ալ Մաքթումի հետ՝ ֆէյսպուքեան իր էջին գրած է ՀՀ պաշտպանութեան նախարարի մամուլի խօսնակ Արծրուն Յովհաննիսեանը:
էմիրութեան կողմին հետ քննարկուած են երկկողմ ռազմական համագործակցութեան մեկնարկի, յարաբերութիւններու իրաւապայմանագրային հարցերը։ Դաւիթ Տոնոյեան ներկայացուցած է Սուրիոյ մէջ ՀՀ մարդասիրական առաքելութեան իրականացման մեկնարկը։