Top.Mail.Ru
ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար 19-ի եթերը
2019-02-19 14:23:43

Այսօրուան լուրերուն մէջ կը լսէք.

Այսօր Ամենայն հայոց բանաստեղծի ծննդեան 150 ամեակմ է. զրուցակիցս է Յ.Թումանեանի թանգարանի արևմտահայերէն ուղեկցորդը:

Մեծի Տանն Կիլիկիոյ կաթողիկոս Արամ Ա. այսօր ժամանեց Հայաստան:

Խումբ մը ժնևցիներու բողոքը մերժուեցաւ. Հայոց Ցեղասպանութեան յուշաքարը կը մնայ իր տեղը:

0:00
0:00

Այսօր Ամենայն հայոց Բանաստեղծի ծննդեան օրն է՝ 150-ամեակը։ Յովհաննէս Թումանեանի ծննդեան 150-ամեայ հոբելեանն ընդգրկուած է ԵՈՒՆԵՍՔՕ-ի՝ Հռչակաւոր մարդոց և կարևոր իրադարձութիւններու 2018-2019 թթ. Օրացոյցին մէջ: Այսօր միաժամանակ երեք վայրերու մէջ՝ Երևանի, իր ծննդավայր Դսեղի, նաև Թիֆլիսի մէջ,կը ձեռնարկուին մեծ լոռեցիին նուիրուած հոբելենական միջոցառումներ։

Յովհաննէս Թումանեանի թանգարանին մէջ «Հայփոսթ»-ի կողմէ թողարկուեցաւ եւ շրջանառութեան մէջ դրուեցաւ մէկ նամականիշով գեղաթերթիկ` նուիրուած «Մեծանուն հայեր.Յովհաննէս Թումանեանի ծննդեան 150 ամեակը»-ին:

Գեղաթերթիկը տպագրուած է Գանատայի «Lowe Martin Group» տպագրատան մէջ` 20 հազար տպաքանակով:

Նամականիշի գծագրութեան հեղինակն է «Հայփոստ» ընկերութեան գլխաւոր ձեւաւորող Վահագն Մկրտչեան:

Գեղաթերթիկի նամականիշի վրայ պատկերուած է հայ մեծանուն գրող, բանաստեղծ, ազգային եւ հասարակական գործիչ Յովհաննէս Թումանեան` իր ստեղծագործութիւններու եւ ձեռագիրներու խորապատկերին:

Նամականիշին վրայ տեղադրուած է նաեւ ԵՈՒՆԵՍՔՕ-ի պատկերանշանը, քանի որ Յովհաննէս Թումանեանի ծննդեան 150-ամեայ յոբելեանը ընդգրկուած է ԵՈՒՆԵՍՔՕ-ի ` հռչակաւոր մարդոց եւ կարեւոր իրադարձութիւններու օրացոյցին մէջ: