Top.Mail.Ru
ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Փետրուար 20-ի եթերը
2019-02-20 14:33:26

Այսօրուան լուրերուն մէջ կը լսէք.

Մինսկի խումբի համանախագահները ժամանած են Երևան:

Արցախի վերածնունդը համայն հայութեան ամենանշանակալի յաղթանակներէն է. Բակօ Սահակեան

Գարնան՝ Հալէպի Ս. Քառասնից Մանկանց եկեղեցւոյ պաշտօնական բացումը:

0:00
0:00

Արցախի նախագահ Բակօ Սահակեան Փետրուար 20-ին շնորհաւորական ուղերձ յղած է Արցախի վերածնունդի օրուան առիթով:

Ուղերձին մէջ ըսուած է .1988-ի Փետրուար 20-ը պատմական օր է, որ դարձաւ անարդարութեան, ճնշումներու ու բռնութիւններու դէմ երկար տարիներ խմորուող պայքարի կիզակէտ.

«Արցախցին դուրս եկաւ հրապարակ՝ յանուն սեփական իրաւունքներու պաշտպանութեան, յանուն սեփական ճակատագիրն ինքնուրոյն տնօրինելու,  յանուն սեփական հողին վրայ ազատ ապրելու և հայ մնալու: Յետագայ զարգացումներն ապացուցեցին, որ մեր ընտրած ուղին ճիշտ էր: Պաքուի ու Սումգայիթի հայ բնակչութեան կոտորածները վերջնականապէս ցոյց տուին բռնատիրական Ատրպէյճանի իրական դեմքն ու նպատակները, բացայայտեցին արցախահայութեան բնաջնջելու իր ծրագիրները: Հայ ժողովուրդը միացաւ , մէկ մարդու պէս զէնք վերցուց և պարտադրուած պատերազմին պաշտպանեց իր հողն ու պատմութիւնը, իր հաւատքն ու արժանապատւութիւնը՝ կանխելով երկրորդ Ցեղասպանութիւնը և կերտելով փառաւոր յաղթանակներ»:

«Արցախի վերածնունդը համայն հայութեան ամենանշանակալի յաղթանակներէն է »: նշուած է Արցախի նախագահի շնորհաւորական ուղերձին մէջ: