ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Մարտ 5-ի եթերը
2019-03-05 14:37:13

Այսօրուան լուրերուն մէջ կը լսէք.

- Հայկական կողմը միջնորդներու միջոցով արդէն ներկայացուցած է կարգաւորման իր տեսլականը ատրպէյճանական կողմին . Նիկոլ Փաշինեան:

- BBC-ն յատուկ հաղորդում պատրաստած է բարերար Գալուստ Կիւլպէնկեանի մասին:

- Պրազիլի դիմակահանդէսին «կեցցէ՛ Հայաստանը» շքերթը:

0:00
0:00

Պրազիլի դիմակահանդէսին «կեցցէ՛ Հայաստանը» շքերթը

բաղկացած է տարբեր մասերէ` դրախտ, հայկական հերոսներ, քրիստոնէութիւն, մշակոյթ, հայկական հրապարակ:Ներկայացուած է հայերէն գիրերը, գորգերը եւ նոյնիսկ Շառլ Ազնաւուրը։

Պոլսահայ մեներգչուհի Սիպիլ ներկայիս կը գտնուի Հարաւային Ամերիկա ։ Ան Պրազիլիոյ մէջ մասնակցեցաւ Բարեկենդանի աւանդական մեծ ձեռնարկին։ ՍաՆ Փաոլոյի մէջ ան մասնակցեցաւ «Կեցցէ՛ Հայաստան» խորագրեալ շքերթին, որ մաս կազմեց Բարեկենդանի խրախճանքին։ Այս ծրագիրը կազմակերպուած էր սամպայի աւանդական եւ կարեւորագոյն դպրոցներէն մէկուն՝ «Ոսկէ վարդեր» խումբի նախաձեռնութեամբ։ Սիպիլ գտնուեցաւ այն կառքին մէջ, որ գլխաւորեց հայկական շքերթը։ Հայաստանի մշակոյթն ու պատմութիւնը ցոլացնող նախաձեռնութիւն մըն էր այս մէկը։

«Ինձ համար շատ յուզիչ է այստեղ գտնուիլ։ Հազարաւոր մարդիկ հայկական տարազներ կը կրեն եւ «Կեցցէ՛ Հայաստան» կը վանկարկեն։ Կը կարծեմ՝ լաւ առիթ մըն է, որպէսզի անգամ մը եւս ամբողջ աշխարհի մէջ լսեն Հայաստանի անունը», ըսած է Սիպիլ , որու մասնակցած ձեռնարկը հեռարձակուեցաւ շուրջ 200 երկրի մէջ։Այս մասին կը գրէ Պոլսոյ Ժամանակ թերթը:

Սիպիլ ռատիօլուրին իր  հարցազրոյցի ընթացքին՝  յայտնած էր,  թէ ինչպէ՞ս  եղած է հանդիպումը և մասնակցելու հրաւէրը: 

Պրազիլիոյ մէջ յառաջիկայ օրերուն Սիպիլ պիտի այցելէ Արժանթին եւ Ուրուկուայ։ Ներկայ ամսուան վերջաւորութեան ալ իր մասնակցութեամբ երեք համերգներ նախատեսուած են Ֆրանսայի մէջ։

Մեկնաբաններն ուղիղ եթերով կը քննարկէին եւ կը հիանային մեր երկրի հարուստ մշակութային եւ նշանակալից պատմական ցուցանիշներով, կը խօսին 1915թ.-ի Ցեղասպանութեան մասին եւ զայրոյթ կ՛արտայայտեն, թէ Թուրքիան մինչ այժմ չի ճանչնար ցեղասպանութիւնը :

հայոց Ցեղասպանութեան փաստը Պրազիլիոյ ծերակոյտը ճանչցած  եւ դատապարտած է 2015թուականին ։