ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Մարտ 13-ի եթերը
2019-03-13 14:31:16

Այսօրուան լուրերուն մէջ կը լսէք.

- ԵԱՀԿ գործող նախագահ, Սլովակիոյ արտաքին գործոց նախարար՝ Միրոսլաւ Լայչակ ժամանեց Հայաստան . Մնացականեան-Լայչակ հանդիպումի մասին:

- Մարտ 23-ին կը նշուի մեծ բարերար՝ Գալուստ Կիւլպէնկեանի 150 ամեակը. զրուցակիցս է` Լիզպոնի մէջ Կիւլպէնկեան հիմնարկութեան հայ համայնքներու բաժանմունքի տնօրէն ՝ Ռազմիկ Փանոսեան:

- Brexit-ի վերաբերեալ Եվրոմիութեան հետ համաձայնագիրը Մեծ Բրիտանիոյ համայնքներու պալատը կրկին մերժեց:

0:00
0:00

Կիւլպէնկեան հիմնադրամի յաջորդ հնգամեայ ծրագիրը պիտի ըլլայ շեշտը դնել Արևմտայհայերէնի զարգացման վրայ :

Մարտ 23-ին Գալուստ Կիւլպէնկեանի 150 ամեակին նուիրուած շատ մը ձեռնարկներ տեղի պիտի ունենան , ոչ միայն այդ օրը այլև ամբողջ տարուան ընթացքին։ Պատասխանեց յատուկ Հայաստանի հանրային ձայնասփիւռին համար, Լիզպոնի մէջ Կիւլպէնկեան հիմնարկութեան հայ համայնքներու բաժանմունքի տնօրէն՝ Ռազմիկ Փանոսեան։ Ան նշեց որ բարերարի ծննդեան օրը Մարտ 23, 2019-ին պաշտօնական միջոցառումն է, որ ելոյթ պիտի ունենայ պաշտօնական նուագախումբը, նոյն օրը բարերարի պատկերով դրօշմաթուղթ պիտի թողարկուի։ Փորթուկալի երիտասարներուն համար պիտի ներկայացուի բարերարին կեանքը , նաև ցուցադրութիւն մը պիտի ներկայացնէ Կիւլպէնկեանի կեանքը որը պիտի տեւէ ամբողջ տարին:

Լիզպոնի մէջ Գ. Կիւլպէնկեանի գիրքը լոյս տեսաւ Յունուար ամսուն, երբ գիրքը հանրութեան ներկայացուեցաւ այդ օրը Փորթուկալի նախագահը խօսք առաւ և խօսեցաւ Կիւլպէնկեան մարդուն և գիրքի մասին այդ եղաւ առաջին միջոցառումը բարերարի ծննդեան 150 ամեակին նուիրուած:

Ապրիլին պիտի հրաւիրուի երաժիշտ Տիգրան Մանսուրեանը իր 80 ամեակին առիթով, որ նաև բարերարի 150 ամեակի ձեռնարկներու ծիրէն ներս է:

Յուլիսին լոյս պիտի տեսնէ գիրք մը որ պիտի տպագրուի բարերարին նամակները ուղղուած իր թոռնիկին՝ Միքայէլ Եսայեանին նաև իր կեանքի փիլիսոփայութիւնը։

Նոյեմբերին պիտի ժամանէ Տիգրան Համասեանը իսկ Սեպտեմբերին Կոմիտասի նուիրուած միջոցառումն է:

Հայասատնի մէջ կը նախատեսուի կազմակերպել գիտաժողով մը նուիրուած Գալուստ Կիւլպէնկեանի կեանքին և գործունէութեան մասին, սակայն դեռ ժամանակը չենք որոշած. այս մասին յայտնեց Ռազմիկ Փանոսեանը: