ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր , Մարտ 18-ի եթերը
2019-03-18 14:21:31

Այսօրուան լուրերուն մէջ կը լսէք.

-Ազգային ժողովի նախագահ Արարատ Միրզոյեանի պատուիրակութիւնը պաշտօնական այցով մեկնած է Գերմանիա:

- Արևմուտքը կը դատապարտէ , իսկ Ռուսասատանը կը յայտնէ Ղրիմի հետ վերամիաւորման հնգամեակը:

-Պոլսահայութիւնը հրաժեշտ տուաւ Մեսրոպ Պատրիարք Մութաֆեանին. Պատրիարքի մարմինը ամփոփուեցաւ Շիշլիի հայկական գերեզմանատան մէջ:

0:00
0:00

Մարտ 17-ին Պոլսահայութիւնը վերջին հրաժեշտը տուաւ Մեսրոպ Պատրիարք Մութաֆեանին. Պատրիարքի մարմինը ամփոփուեցաւ Շիշլիի հայկական գերեզմանատան մէջ:

Պոլսոյ հայկական Աթոռանիստ Սուրբ Մ արիամ Աստուածածին եկեղեցւոյ մէջ կազմակերպուած թաղման արարողութեան մասնակցեցան հազարաւոր քաղաքացիներ նաեւ բազմաթիւ թուրք քաղաքական գործիչներ, պաշտօնեաներ եւ մտաւորականներ։

Արք․ Մեսրոպ Մութաֆեանի թաղման արարողութեան կրօնական մասը ղեկավարած է Երուսաղէմի հայոց պատրիարք, Արք․ Նուրհան Մանուկեանը։ Պատրիարքի մարմինն ամփոփուած է Շիշլիի հայկական գերեզմանատան մէջ:

Մարտ 8-ին՝ 63 տարեկանին երկարատեւ հիւանդութենէ ետք վախճանեցաւ Պոլսոյ Հայոց պատրիարք՝ Մեսրոպ Մութաֆեանը։

Պատրիարքը երկար տարիներ անշարժ էր եւ չէր կրնար կատարել պարտականութիւնները։ Թուրքիոյ կառավարութեան որոշմամբ պատրիարքի պարտականութիւնները կը կատարէր արք. Արամ Աթէշեանը։

Մայր Աթոռ Սուրբ Էջմիածինի պատուիրակութիւնը մասնակցած է Կոստանդնուպոլսոյ Հայոց Պատրիարք երջանկայիշատակ Տ. Մեսրոպ Արքեպիկոպոս Մութաֆեանի վերջին օծման և յուղարկավորութեան արարողութիւններուն: