ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Մարտ 26-ի եթերը
2019-03-26 14:30:12

Այսօրուան լուրերուն մէջ կը լսէք.

-Հայաստան-Ֆինլանտա , բոլորս դէպի Հանրապետական մարզադաշտ . կոչ ըրած է վարչապետը:

-Փաշինեան ու Ալիև պիտի հանդիպին Մարտ 29-ին:

-Իսրայէլի վարչապետը Կոլանի բարձունքին վրայ պատրաստուած գինի նուիրած է Ամերիկայի նախագահին:

0:00
0:00

Հանրապետութեան նախագահ Արմէն Սարգսեան հանդիպած է Հայկական բարեգործական ընդհանուր միութեան (ՀԲԸՄ) նախագահ Պերճ Սեդրակեանի հետ՝ կը տեղեկացնէ ՀՀ նախագահի պաշտօնական կայքէջը:

Արմէն Սարգսեանը, որ 2016 թուականէն ՀԲԸՄ տնօրէններու կեդրոնական խորհուրդի անդամ է, Պերճ Սեդրակեանի հետ խօսած է ՀԲԸՄ ընթացիկ և յառաջիկայ ծրագիրներու մասին, յատկապէս կարևոր համարած է կրթական, մշակութային և մարդասիրակամն այն ձեռնարկները, որոնք նպատակ ունին սփիւռքահայ երիտասարդ սերունդի մեջ սերմանել հետաքրքրութիւն ազգային հարուստ ժառանգութեան և աւանդոյթներու հանդէպ:

Ողջունելով կազմակերպութեան ընդլայնւող ներկայութիւնն ու գործունէութիւնը Հայաստանի մէջ՝ Հանրապետութեան նախագահը բարձր գնահատած է Միութեան դերը համահայկական նշանակութեան խնդիրներու լուծման գործին մէջ:

Հանդիպման ընթացքին նախագահ Արմէն Սարգսեանը և Պերճ Սեդրակեանն անդրադարձած են նաև Հայաստան-Սփիւռք փոխյարաբերութիւններուն, ատոնց զարգացմանն ու ամրապնդմանն ուղղուած ՀԲԸՄ-ի առաքելութեան, հայակեդրոն ու հայաստանակեդրոն ծրագիրներու իրականացման: