ՈՒՂԻՂ ԵԹԵՐ
192 Kbps
128 Kbps
64 Kbps
48 Kbps
Arm Radio FM 107
Vem Radio FM 91.1
Im Radio FM 103.8
Արևմտահայերէն լուրեր, Ապրիլ 1-ի եթերը
2019-04-01 14:38:45

Այսօրուան լուրերուն մէջ կը լսէք.

-Արցախի մասնակցութեան հարցի շուրջ մենք քննարկումները պիտի շարունակենք. Նիկոլ Փաշինեան

-Վարչապետն ու օփերայի թատրոնի ներկայացուցիչները եկած են համաձայնութեան:

-Թուրքիոյ իշխող կուսակցութիւնը կը պարտուի երեք մեծ քաղաքներուն՝ Անգարայի Իսթանպուլի և Իզմիրի մէջ:

0:00
0:00

Ամերիկայի Նեւատա նահանգի խորհրդարանին ներկայացուած է թիւ 257 բանաձեւը, որուն նպատակն է կառուցել Ողջակիզման թանգարան մը, ուր Հրէական Ողջակիզման կողքին, լուսարձակի տակ պիտի առնուին նաեւ այլ ցեղասպանութիւններ, ներառեալ՝ Հայոց Ցեղասպանութիւնը: Այս մասին կը հաղորդէ «Լաս Վեկաս Ռիվիու-Ճըրնըլ»-ը։

Թանգարանը պիտի գործէ Նեւատայի մշակոյթի եւ զբօսաշրջութեան հարցերու բաժանմունքին հովանիին ներքեւ:

Բանաձեւը ներկայացուած է Նեւատայի նահանգային խորհրդարանի անդամ Լիսա Քրասնըրի կողմէ։

Կազմակերպիչները կը նախատեսեն ներկայացնել նաեւ Միջին Արեւելքի զանազան շրջաններու մէջ 21 դարուն տեղի ունեցած քրիստոնեաներու եւ այլ փոքրամասնութեանց զանգուածային բնաջնջման փորձերը, ինչպէս նաեւ ցեղասպանութիւններ ուրանալու ջանքերը։